Seene Per Haath Bandhne wali Hadeeso ka Jayza (01)

 

Seene Per Haath Bandhne wali Hadeeso ka Jayza (01)

Asslamu Alaykum , In sha ALLAH Ek Post May 1 Hadees Jisey Gair Muqallid Daleel Banate Hai Wo Pesh Karke Uska Radd Kiya Jayega.

Har Musalman Yeh Janta Hai Kay Namaz Me Qiyam Kay Dauran Apne Sidhe Haath Ki Hateli Ko Oolte Haath Ki Hateli Ki Pust , Gatte Aur Kalai Per Bandhna Sunnat Tarika Hai Jasper Takreeban Har Musalman Ka Amal Hai Siwaye Imam Malik Aur Apke Muqallideen Kay Wo Kehte Hai Kay Wo Haatho Ko Bandhne Kay Bajaye Chorna Sunnat Hai Lekin Jo Hazrat Hatho Ko Bandhne K Qayal Hai Unka Is Baat Per Ikhtelaf Hai Ki Hatho Ko Seene Per Rakha Jaye Ya Naaf Kay Upar Ya Phir Naaf Kay Niche.

Aye Sabse Pehle Ullema E Arba Kay Mazhab Bayan Karte Hai , Taakey Baat Ko Samajhne Me Asani Ho.

1)      Imam Abu Hanifa , Imam Ahmed , Sufiyan Sawri , Ishaq Bin Rahwiya , Abu Ishaq Maruji  Aur Mashur Tabai Hazrat Mujlaj Aur Ibrahim Nakhai Rehmatullah Alayhim Wagaira Naaf Kay Niche Haath Bandhne Kay Qayal Hai Aur Yahi Hazrat Abu Hurrera Radialla Taala Anhu Se Bhi Marwi Hai.

2)      Imam Shafai Ek Riwayat Kay Mutabik Imam Ahmed Aur Saeed Bin Jubair Rehmatulllah Alayhim Wagaira Seene Kay Niche Naaf Kay Upar Hath Bandhne Kay Qayal Hai .

Al Mugni Jild 1 Safa 281-82

Sharah Ul Mazhab Jild 3 Safa 269

Aur Imam Shafai Se Ek Riwayat Seene Per Hath Bandhne Ki Bhi Marw Hai.

Faiz Ul Bari Jild 2 Safa 266

 

Khulasa Kalam Yeh Ki Aimma E Arba May Say Kisi Ka Bhi Tareeka Seene Per Haath Bandhne Ka Nahi Siwaye Imam Shafai Kay Aur Wo Bhi Mashur Nahi Hai Isi Ka Oolta Naaf Kay Niche Haath Bandhne May Kaseer Aimma Wa Mashur Tabaeen Wa Sahaba Hazraat Ka Amal Hai Jo Is Baat Ki Daleel Hai Ki Yeh Amal Hi Nabi ﷺ  Ki Haqeeqi Sunnat Hai Jisko Ham In Sha ALLAH Aagay Daleel Ki Roshni May Sabit Karege.

 

Lekin Gair Muqallid Hazraat Seene Per Haath Bandhne Ne Qayal Hai Aur Baaki Sab Tareeka Ko Naqis Aur Bekar Samajhte Hai Aur Is Per Itna Shor Macha Rakha Hai Ki Gair Muqallid Mazhab Ki Awam Toh Kya Acche Acche Alim Bhi Iske Khilaf Wale Tareeke Ko Najayaz Aur Haram Kehte Phirte Hai Aur Daleel Kay Taur Per Kuch Hadeesein Pesh Karte Hai Aur Yeh Dawaah Karte Hai Ki Yeh Hadees Sahi Ul Sareeh Aur Marfuh Hai Aur Yahi Nabi ﷺ  Ki Haqeeqi Sunnat Hai.

 

Daleel 01. Sahih Bukhari Wali Hadees Ka Haal.

Hazrat Sahl Bin Sa’ad Radialla Taala Anhi Riwayat Karte Hai Ki Logo Ko Hukm Diya Jata Tha Ki Wo Namaz Me Apne Daye Haath Ko Baye Haath Darag Per Rakhe Aur Abu Khazim Kehte Hai Ki Mujhe Toh Sirf Aur Sirf Yahi Malum Hai Ki Hazrat Sahl Bin Sa’ad Radialla Taala Anhu Ne Isey Nabi ﷺ  Tak Pahuchaya.

Sahih Bukhari Jild 1 Hadees 740.

حَدَّثَنَا عَبْدُ اللَّهِ بْنُ مَسْلَمَةَ، عَنْ مَالِكٍ، عَنْ أَبِي حَازِمٍ، عَنْ سَهْلِ بْنِ سَعْدٍ، قَالَ كَانَ النَّاسُ يُؤْمَرُونَ أَنْ يَضَعَ الرَّجُلُ الْيَدَ الْيُمْنَى عَلَى ذِرَاعِهِ الْيُسْرَى فِي الصَّلاَةِ‏.‏ قَالَ أَبُو حَازِمٍ لاَ أَعْلَمُهُ إِلاَّ يَنْمِي ذَلِكَ إِلَى النَّبِيِّ صلى الله عليه وسلم‏.‏ قَالَ إِسْمَاعِيلُ يُنْمَى ذَلِكَ‏.‏ وَلَمْ يَقُلْ يَنْمِي‏.‏

Gair Muqallid Hazraat Ba Kasrat Is Hadees Say Istedlal Karte Hai Jab Siddha Haath Baye Darag Per Rakhege Toh Haath Khud Ba Khud Seene Per Ajayegay Lekin Gaur Muqallid Ka Yeh Faham Mahaz Dhoka Hai Jisey Hum Aagay Tafseel Se Zikr Karege

Is Riwayat Me 2 Hissey Ka Zikr Hai.                                                                                                                

1)           1   Hath

2)          2    Darag Ka

 

Haath Kaha Se Kaha Tak

 

1)      Lugat Ki Mashur Kitab Lisan Ul Arab Me Hai “Haath Ungliyo Kay Kinare Say Lekar Hatheli Tak Hai ( Lisan Ul Arab Jild 15 Safa 419)

2)      Yahi Baat Allama Murtuza Zubaidi Nay Kahi (Taj Ul Urus Jild 40,Safa 337)

3)      Allama Abul Hasan Ali Bin Ismail Apni Kitab May Likhte Hai Ki “Haath Hatheli Ko Kehte Hai Aur Abu Ishaq Nay Farmaya Haath Ungliyo Kay Kinare Say Lekar Kandho Tak Hai (Al Muhkam Wal Muhitul Azam , Jild 9 , Safa 363)

4)      Yahi Baat Allam Harwi Ne Likhi Hai (Tehzib Ul Lughat ,Jild 11, Safa 350)

Ullema Ki Tashrihat Se Malum Hua Ki Lafz Haath Kabhi Sirf Ungliyo Kay Kinare Say Lekar Hatheli Tak Toh Kabhi Ungliyo Kay Kinare Say Lekar Kandhe Tak Istemal Hota Hai.

Lekin Jab Lafz Hath Baju Kay Dusre Hisso Kay Saath Istemal Hoga Toh Issey Murad Ungli Kay Kinare Say Lekar Gatt Tak Hatheli Hogi , Is Riwayat May Yeh Lafz Darag Kay Saath Istemal Hua Hai Aur Jab Hum Baju Kay Hisso May Say Darag Ka Mahal Malum Karlege Toh Riwayat Ko Samajhne Me Asani Hogi ,Lihaza Pehle Darag Kay Baare May Jante Hai.

 

Darag Kaha Se Kaha Tak

 

1)      Mashur Lughat Al Munjad May Hai “Kohni Say Lekar Ungli Kay Darmiyani Seeray Ka Hissa Darag Hai (Munjad Safa 351)

2)      Mashur Arabi Lughat Lisan Ul Arab May Hai “Kohni Kay Seeray Say Lekar Ungli Kay Darmiyani Seeray Ka Hissa Darag Hai (Lisan Ul Arab Jild 2 Safa 77)

 

Jab Humne Haath Aur Darag Ki Hadd Malum Karli Toh Ab Is Hadees Ko Samajhna Bhi Asan Hogaya.

1)      Haath: Ungliyoi Kay Seeray Say Lekar Gatt Tak Hota Hai

2)      Darag: Kohni Say Lekar Haath Ki Darmiyani Ungli Kay Kinare Tak Hota Hai

Is Hadees May Farmaya Gaya Hai Ki Daye Haath Ko Baye Darag Per Rakho Lekin Masala Yeh Hai Ki Haath Mukammal Darag Per Nahi Aasakta Kyuki Darag Haath Say Badi Hai Akhir Haath Ko Darag Kay Kaunse Hisse Per Rakhna Hai Kyuki Is Riwayat May Wo Jagah Toh Batai Nahi Gai Isliye Imam Ibn Hajar Asqalani Farmate Hai Ki “Darag Ka Muqam Mubham Hai Ki Haath Darag Kay Kiss Hisse Per Rakha Jaye. ( Fath Ul Bari Jild 2 Safa 178)

Agar Gatt Per Rakh Kar Dekha Jaye Tab Bhi Haath Mukammal Darag Per Nahi Aa Raha Jissey Hadees Wali Darag Murad Ho Aur Yeh Ho Bhi Nahi Sakta Kyuki Mukammal Darag Per Toh Haath Aya Hi Nahi, Dusri Surat Yeh Hai Ki Agar Haath Ko Gatt Say Thodi Aagay Kohni Ki Janib Rakh Kar Dekha Jaye Jaise Gair Muqallid Hazraat Karte Hai Toh Haath Darag Per Nahi Balke Daye Darag Ki Baye Darag Per Rakhna Lazim Ayega Jo Ki Khilaf E Sunnat Hai Kyuki Darag Per Darag Rakhna Ka Hokum Nahi Balke Haath Ko Darag Per Rakhne Ka Hokum Hai Isliye Hume Manna Padega Ki Yeh Darag Ka Aisa Hissa Hai Jisper Haath Rakhne Say Darag Per Haath Rakhna Malum Ho Naaki Darag Per Darag.

 

Yaani Haqeeqat Yeh Hai Ki Is Riwayat May Haath Darag Kay Jis Hissey Per Rakhe Jaane Chahiye Wo Hissa Na Malum Hai Toh Is Hadees Ko Samajhne Kay Liye Hume Gair Muqallido Ki Rai Wa Qaya Ko Chodkar Koi Aisi Hadees Jo Sahih Ul Sareeh Marfu Ho Talash Karni Chahiye Jisme Darag Ko Wo Hissa Malum Hojaye Jaha Per Haath Rakha Jana Hai .

Hadees:

Tarjuma: Hazrat Wayl Bin Hajar Radialla Taala Anhu Farmate Hai Ki Rasul ALLAH ﷺ  Nay Apna Daya Haath Baye Haath Ki Pusht, Gatte, Aur Kalai Per Rakha.

1)      Sahih Ibn Khuzayma Jild 1 Hadees 480

2)      Sahih Ibn Hibban Jild 5 Hadees 1860

3)      Sunan Nisai Jild 1 Hadees 892

4)      Sunan Kubra Jild 1 Hadees 965

5)      Ibn Munjar Fee Ausat Jild 3 Hadees 1289

6)      Sunan Bayhki Jild 2 Hadees 2325

7)      Musnad Ahmed Jild 8 Hadees 19075

Imam Nawawi Kehte Hai Yeh Hadees Sahih Hai.

1)      Tehzeeb Ul Asma Wal Lughat Jild 2 Safa 165

2)      Majmua Sharah Al Mazhab Jild 4 Safa 379

 

Is Riwayat Ki Sanad : 1 Abu Tahir 2 Abu Bakr 3 Muhammad Bin Yahya 4 Muawiya Bin Umro 5 Zaid 6 Asim Bin Kulayb 7 Kulayb

Albani Ne Kaha Iski Sanad Sahih Hai Aur Imam Nawawi Aur Ibn Kayyum Ne Kaha Yeh Hadees Sahih Hai Aur Imam Ibn Khuzayma Aur Imam Ibn Hibban Nay Isey Apni Sahih May Jama Kiya Hai Aur Kaha Iske Rijal Siqah Aur Sanad Sahih Hai.

Sahih Abu Dawud Lil Albani Jild 3 Safa 315

Lihaza Sahl Ibn Sa’ad Radialla Taala Anhu Ki Riwayat Aur Is Riwayat Ko Apas May Tatbeek Dene Say Sabit Hoga Ki Yaha Baye Darag Say Murad Baye Haath Ki Pusht, Gatt, Aur Kalai Hai.

Aur Issey Darag Per Haath Rakhna Bhi Lazim Aajayega Kyuki Jab Hum Anghute Kay Paas Wali Hatheli Ko Baye Haath Ki Gatt Per Rakhege Toh Daye Haath Ki Ungliya Baye Haath Ki Kohni Ki Janib Kalai Per Aur Daye Haath Ki Gatt Aur Kalai Baye Haath Ki Pusht Per Hogi Jissey Darag Per Haath Rakhna Lazim Ayega Aur Dono Hadeeso Per Bhi Amal Hojayega Jissey Ahnaf Ka Amal Bil Hadees Saaf Wazeh Hojata Haiaur Is Tareeke Per Amal Karne Kay Baad Jab Hum Apne Haatho Ko Bilkul Dheela Choddege Toh Haath Khud Ba Khud Naaf Kay Niche Ajayega.

End Part 01

Part 02 link :

https://786sho.blogspot.com/2024/05/seene-per-haath-bandhne-wali-hadeeso-ka_5.html