Imam Kay Peeche Surah Fatiha Padhne ki Hadeesein Aur Unka Jayza (03)

 

Imam Kay Peeche Surah Fatiha Padhne ki Hadeesein Aur Unka Jayza (03)

【Daleel Number 11 Ka Jaiza】 

Hajil Bin Sharjil Farmate Hai Ki Hazrat Abdullah Bin Masood Radialla Taala Anhu Imam Ke Piche Asar Ki Pehli 2 Rakato Mein Surah Fatiha Aur Iske Saath Koi Dusri Surah Bhi Padhte Thay.

1. Kitaab Ul-Qiraat, Safa 64.

Jawab

Iska Jawab Ye Hai Ke Iski Sanad Mein Ek Zaeef Ravi Lais Bin Abi Saalim Hai. Iske Bare Mein Muhaddiseen Ke Aqwaal Dekhein:

 

1. Imam Darqutni Ne Isko Zaeef Kaha.

2. Imam Behaqi Ne Isko Zaeef Kaha.

3. Imam Ahmad Isko Zaeef Kehte Hain.

4. Imam Nasa'i Isko Zaeef Kehte Hain.

5. Imam Yahya Ne Isko Zaeef Kaha (Mizan, Jild 2, Safa 260; Tahdhib Ul-Tahdhib, Jild 8, Safa 468).

 

Aur Iska Dusara Ravi Abdur Rahman Bin Sharwan Hai.

1. Imam Ahmad Farmate Hain Ke Isse Ehtijaz Sahih Nahi Hai (Mizan, Jild 1, Safa 300).

 

Lihaza Iske Zauf Ka Andaaza Aap Khud Laga Lijiye, Dusri Baat Yeh Ki Jab Hazrat Abdullah Ib Masood Se Sahih Sanad Ke Saath Imam Ke Peeche Qirat Na Karne Ki Hadees Maujud Hai Toh Zaef Hadees Kyo Liye Jaye

 

【Daleel Number 12 Ka Jaiza】 

Hazrat Abdullah Bin Magfal Radialla Taala Anhu Imam Ke Peeche Zohar Aur Asar Ki Pehli 2 Rakato Mein Surah Fatiha Aur Iske Saath 2 Surah Bhi Padhte Thay Aur Pichli Dono Rakato Mein Sirf Surah Fatiha Padhte Thay.

Juzz Al Qirat Safa 13.

 

Jawab

Iski Sanad Mein Ek Ravi Umar Bin Abi Sahim Hai, Iske Baare Mein Imam Iba Hazar Ne Likha:

 

1. Imam Zahbi Farmate Hain Ki Yeh Majhool Hai (Tahdhib Ul-Tahdhib, Jild 7, Safa 450).

Lihaza Issey Daleel Lena Bhi Batil Hai

 

【Daleel Number 13 Ka Jaiza】 

Abu Nasr Kehte Hain Ke Mene Hazrat Abu Saeed Khudri Radialla Taala Anhu Se Pucha Kya Imam Ke Peeche Qirat Karna Sahih Hai, Farmaya Haa Sirf Surah Fatiha

Juzz Al Qirat Safa 13

Jawab

Iski Sanad Mein Awam Bin Hamza Hai.

Imam Jauzi Ne Isko Al Zuafa Mein Darj Kiya (Jawahirul Naqi Safa 172)

Imam Yahya Bin Muin Farmate Hai Iski Hadees Mahez Hechh Hai (Mizan Jild 2 Safa 308)

Imam Ahmed Farmate Hai Yeh Sahib E Munkar The (Tadhib Ut Tadhib Jild 8 Safa 163)

Lihaza Issey Bhi Daleel Pakadna Batil Hai

 

【Daleel Number 14 Ka Jaiza】 

Hazrat Sabit Radialla Taala Anhu Farmate Hain Ke Hazrat Anas Radialla Taala Anhu Humein Imam Ke Peeche Qirat Karne Ka Hokum Diya Karte The.

1. Kitaab Ul-Qiraat, Safa 124.

 

Iski Sanad Mein Bhi Wahi Rawiyan Awam Bin Hamza Hain Jo Is Se Pehle Hadees Mein Aaya Hain Aur Imam Baihaqi Ne Imam Ibn Khuzayma Ke Hawale Se Likha Ki Sahih Tareen Baat Yeh Hai Ki Awam Bin Hoshab Ka Naam Lena Sahih Nahi Balki Awam Bin Hamza Hi Hai

 

【Daleel Number 15 Ka Jaiza】

 

Hazrat Mujahid Radialla Taala Anhu Farmate Hain Ke Maine Hazrat Abdullah Bin Umro Radialla Taala Anhu Ko Zohar Aur Asar Mein Imam Ke Peeche Qirat Karte Suna

1. Sunan Kubra Lil Baihaqi Jild 2 Hadees 2942

Is Hadees Mein Bhi 1 Ravi Hai Hussain Jiske Baare Mein Aimma Farmate Hai

1. Hafiz Ibn Hajar Farmate Hain Ke Iska Hafiza Akhri Umar Mein Kharab Hogaya Tha (Taqreeb Safa 95)

2. Imam Abul Haatim.

3. Imam Nasa'i.

4. Imam Yazid Bin Haroon Farmate Hain Ke Iska Hafiza Akhri Umar Mein Kharab Hogaya Tha (Tahdib Ul Tahdib, Jild 2, Safa 382).

 

【Daleel Number 16 Ka Jaiza】 

Hazrat Ibn Umar Radialla Taala Anhu Aur Hazrat Abdullah Bin Uthba Radialla Taala Anhu Se Riwayat Hai Ke Yeh Dono Imam Ke Peeche Qirat Karte The.

 

1. Sunan Kubra Lil Baihaqi Jild 2 Hadees 2941.

 

Iski Sanad Mein Abdul Malik Bin Muhammad Hai, Jiska Baare Mein Aimma Ne Kalam Kiya Hai

Imam Darqutni Farmate Hain Ke Wo Sudooq Tha Magar Sanad Aur Matan Mein Bahut Zyada Khata Karta Tha (Tahzib Ul Tahzib, Jild 2, Safa 420).

 

2. Imam Haakim Farmate Hain Ke Agar Raviyaat Mein Munfarid Ho Toh Oos Hadees Se Ihtijaj Jaaiz Sahih Nahi

3. Abu Kasim Farmate Hain Ke Mere Paas Inki Hadeeso Ke 10 Jildein Maujud Hai , Lekin Inme Se Koi Bhi Aisa Nahi Jo Inke Waham Se Bach Saki Ho Wo Zubani Riwayat Bayan Kiya Karte Thay Isliye Unke Waham Bahut Zyada Hai (Tahzib Ul Tahzib, Jild 2, Safa 421).

 

Lihaza Yeh Hadees Bhi Zaef Hai Na Qabil E Qabool Hai.

 

【Daleel Number 17 Ka Jaiza】 

Far’a Bin Harab Se Marwi Hai Ke Mene Hazrat Iba Abbas Radialla Taala Anhu Ko Farmate Hue Suna Ki Imam Ke Peeche Surah Fatiha Padha Karo

1. Kitab Ul Qirat Safa 138.

 

Iski Sanad Mein Marwaan Bin Muawiya Hai, Jo Ke Mudallis Hain.

 

1. Imam Ibn Muin Farmate Hain Wo Agar Maroof Raviyo Se Riwayat Kare Toh Siqah Hai (Tazkiratul Huffaz, Jild 1, Safa 272).

 

2. Aur Agar Majhool Logo Se Riwayat Kare Toh Zaef Hai (Tahzib Ul Tahzib, Jild 10, Safa 98).

 

3. Aur Farmaate Hain Wo Galiyose Humare Liye Suyook Chun Lete Thay (Tazkiratul Huffaz, Jild 1, Safa 272).

 

4. Aur Farmate Hai Ke Mene Tadlees Karne Mein Unse Bada Bahane Baaz Nahi Dekha (Tazkaratul Huffaz, Jild 1, Safa 272).

 

5. Aur Farmaate Hain Ke Woh Logon Se Chhupaane Ke Liye Raviyo Ke Naam Badal Dete The (Tazkaratul Huffaz, Jild 1, Safa 272).

 

6. Imam Abu Dawood Farmate Hain Ke Woh Raviyo Ke Naam Badal Dete The.

 

7. Abu Haatim Farmate Hain Ke Woh Sachhe Toh Hain Magar Bakasrat Majhool Raviyo Se Riwayat Karte Hai

8. Imam Zahbi Farmate Hain Ke Woh Be-Tahasha Zindo Aur Murdo Se Riwayat Karte The (Tazkaratul Huffaz, Jild 1, Safa 272).

 

9. Imam Iba Hajar Kehte Hain Ke Woh Mudallis Hone Ke Saath Saath Shia Bhi Thay (Takreeb Safa 273)

Aur Is Sanad Mein Far’a Bin Harab Hai Jo Majhool Hai Lihaza Yeh Hadees Bhi Zaef Hai

 

 

【Daleel Number 18 Ka Jaiza】

 

Hazrate Abu Darda Radialla Taala Anhu Se Riwayat Hai Ke Unhone Farmaya Ke Imam Ke Peeche Surah Fatiha Ki Qirat Tark Na Ki Jaye Agarche Imam Buland Padhe Ya Ahista

1. Sunan Kubra Lil Baihaqi Jild 2 Hadees 2943.

 

Iski Sanad Mein Walid Bin Muslim Hai, Aur Yeh Mudallis Hai.

 

1. Abu Mas’har Kehte Hain Ke Woh Juthe Raviyo Se Bhi Tadlees Karliya Karte Thay

2. Imam Zahbi Kehte Hain Jab Yeh Ibn Jariz Aur Auzai Se An Se Tadlees Kare Toh Iski Hadees Ka Katai Aitbar Na Hoga (Mizan Jild 3 Safa 275) (Tazhib Ul Tahzib Jild 11 Safa 54)

3. Aur Yeh Riwayat Unki Auzai Se Hi Hai Lihaza Yeh Bhi Zaef Hai

 

Hazrat Abu Darda Radialla Taala Anhu Se Yahi Hadees (Kitab Ul Qirat Safa 68) Per Dusri Sanad Se Marwi Hai Isme 1 Ravi Muhammad Bin Kaseer Hai Jinper Muhaddiseen Ne Kalam Kiya Hai.

Imam Ahmed Ne Inko Sakht Zaef Aur Munkirul Hadees Kaha Hai Aur Farmaya Isne Aisi Munkir Hadees Bayan Ki Hai Jiski Koi Asal Nah Hai

Saleh Bin Muhammad Isko Sudooq Aur Kaseer Ul Khata Kehte Hai

Imam Bukhari Ne Isko Bahut Zaef Kaha Hai

Imam Nasai Farmate Hai Yeh Kawi Nahi Hai Aur Kaseer Ul Khata Hai

Imam Saji Kehte Hai Sudooq Aur Kaseer Ul Galat Hai

Imam Hakim Farmate Hai Muhaddiseen Ke Nazdeek Wo Kawi Nahi

Imam Ibn Adi Kehte Hai Iski Bayan Karda Riwayat Mein Koi Iski Mutabiyat Aur Taeed Nahi Karta

(Tahzib Ul Tahzib Jild 9 Safa 416 – 417)

Lihaza Iski Dono Sanadein Zaef Aur Qabil E Qaboo Nahi

【Daleel Number 19 Ka Jaiza】 

Hazrate Imran Bin Hussain Radialla Taala Anhu Ne Farmaya Kisi Musalman Ki Namaz Qabool Nahi Hosakti Jabtak Wo Ismein Taharat, Ruku, Sujood, Aur Surah Fatiha Ka Ehtimam Na Kare Chahe Imam Ke Peeche Ho Ya Akele

 

1. Juz'al Qirat, Safa 13.

 

Iski Sanad Mein 1 Ravi Ziyad Bin Abi Ziyad Hai Jasper Kalam Kiya Gaya Hai

 

1. Ibn Muin Isko “Laysh Be Shai” Likhte Hain.

2. Ibn Madni Ki Bhi Yehi Rai Hai.

3. Imam Nasa'i Isko Matrook Kehte Hain.

4. Imam Darqutni Isko Matrook Kehte Hain.

5. Imam Zahbi Kehte Hain Ke Iske Zaef Hone Per Sabka Ittefak Hai

Mizan Jild 1 Safa 354

Tahzib Ul Tahzib Jild 3 Safa 368

Iska Haal Bhi Peechli Riwayaton Jaise Hi Hai.

Aur Jab Humare Paas Imran Bin Husain Ki Imam Ke Peeche Na Padhne Ke Baare Mein Sahih Riwayat Maujud Hai Toh Phir Is Zaef Hadees Se Daleel Kyo Li Jaye

Hadeesein Aur Hai Lekin Koi B Zauf Se Khali Nahi Jinko Tawalat Ki Wajah Se Yaha Tafseel Se Zikr Nahi Kiya Jaa Sakta.

 

Lihaza Humari Naza Mein Jitni Riwayatein Guzri Sabka Zikr Humne Kar Diya Ab Padhne Walo Se Guzarish Hai Ki Aap Faisla Kare Ki Jo Gair Muqallid Hazraat In Riwayaton Ke Zor Per Ahle Sunnat Ko Yeh Kehte Hai Ki Tumhari Namaz Batil Hai, Bekar Hai, Naqis Hai, Aur Imam Ke Peeche Murdo Ke Jaise Khade Rehte Hai In Tohmato Ki Haqeeqat Kitni Hai?

END