Seene Per Haath Bandhne wali Hadeeso ka Jayza (03)

Yeh 3rd Part Hai , Gair Muqallid Ki Pesh Karda Daleel Seene Per Hath Bandhne Ki Hadeeso Ka Haal

Imam Ibn Khuzayma Kehte Hai Humne Abu Tahir Say Unhone Abu Bakr Say Unhone Abu Musa Say Unhone Momil Bin Ismail Say Unhone Sufiyan Sawri Say Unhone Asim Bin Kulayb Say Unhone Apne Walid Say Aur Wo Hazrat Wayl Ibn Hajar Radialla Taala Anhu Say Riwayat Karte Hai Ki Wo Farmate Hai I Mene Rasul ALLAH ﷺ  Kay Saath Namaz Padhi Aur Apne Apna Daya Haath Baye Haath Per Rakhkar Seene Per Bandh Liye.

Sahih Ibn Khuzayma Kitab Us Salat Jild 1 Hadees 479

 

Is Hadees Me 1 Rawi Momil Bin Ismail Zaef Hai Aur Yeh Aimma E Nakideen Kay Nazdeek Bhi Zaef Hai.

1)      Mashur Gair Muqallid Albani Likhte Hai Yeh Hadees Zaef Hai Kyuki Momil Bin Ismail Bure Hafizay Wala Tha (Taliq Sahih Ibn Khuzayma Jild 1 Safa 243)

2)      Imam Zehbi Farmate Hai Sacche Hai Sunnat Kay Paband Hai Aur Kasirul Khata Hai , Kehte Inki Kitab Dafan Kardi Gai Thi Aur Yeh Hifz Say Riwayat Karte Aur Galti Kargaye (Al Kashif Jild 2 Safa 309)

3)      Imam Bukhari Nay Inko Munkarul Hadees Farmaya Hai (Tehzeeb Ul Kamal Jild 29 Safa 178 , Mizan Ul Aitidal Jild 4 Safa 228)

4)      Imam Ibn Sa’ad Farmate Hai Siqah Hai Magar Bahut Galtiya Karte Hai (Tabqat Ul Kubra Jild 5 Safa 501)

5)      Ibn Kanay Kehte Hai Wo Saleh Hai Magar Khatakar Hai (Tehzeeb Ul Tehzeeb Jild 4 Safa 194)

6)      Imam Darqutni Farmate Hai Siqah Hai Magar Bahut Galti Karte Hai (Sawalat Ul Hakim Lil Darqutni Safa 492, Tehzeeb Ul Tehzeeb Jild 4 Safa 194)

7)      Imam Abu Hatim Kehte Hai Sacche Hai Sunnat Per Sakhti Say Pehra Hai Magar Bahut Galti Karte Hai (Jarah Wa Tadil Jild 8 Safa 374, Tehzeeb Ul Kamal Jild 29 Safa 178)

8)      Imam Abu Jara Kehte Hai Ki Inki Hadees May Bahut Galtiya Hai (Mizan Ul Aitidal Jild 4 Safa228)

9)     Imam Marwaji Kehte Hai Jab Momil Hadees Me Akela Ho Toh Wajib Hai Ki Tawkuf Kiya Jaye Kyuki Wo Kharab Hafze Wala Kasirul Khata Tha (Sawalat Marwaji Raqam 13, Tehzeeb Ul Tehzeeb Jild 4 Safa 194)

1    Imam Ibn Hajar Farmate Hai Momil Bin Ismail Jo Hadees Sufiyan Sawri Say Riwayat Kare Usme Zauf Hota Hai (Fath Ul Bari Jild 9 Safa 239 Raqam 7251)

  )    Ek Aur Gair Muqallid Alim Muhammad Bin Saleh Usaymin Kay Nazdeek Yeh Hadees Zaef Hai. (Arkan E Islam Safa 271)

12   Imam Ibn Hibban Kehte Hai Inki Kitabein Dafan Kardi Gai Thi Aur Yeh Hifz Say Riwayat Karte Aur Galti Kargaye (As Siqat Jild 9 Safa 187, Tehzeeb Ul Kama Jild 29 Safa 178)

13   Imam Yaqub Bin Sufiyan Ne Kaha Ki Yeh Siqah Shuyuk Say Munkir Riwayat Bayan Karta Tha (Kitab Ul Marfat Wa Tarikh Jild 3 Safa 52)

14   Imam Abi Umar Samarkandi Ne Kaha Momil Bin Ismail Sahih Ul Hifz Hai (Fawaid Abi Umar Safa 131 Raqam 17)

15   Dusri Jagah Zaef Kaha (Ayzan , Safa 22)

16   Imam Nasai Ne Kharab Hafizay Wala Likha (Mujalassan Nasai Safa 48 Raqam 17)

17   Aur Ek Jagah Kasirul Khata Likha Hai (Sunan Al Kubra Jild 3 Safa 99)

18   Imam Yahya Ibn Mueen Ne Kaha Apne Hifz Say Hadees Bayan Karta Aur Zyadati Karta Tha (Sawalat Junaid Safa 444-445 Raqam 709)

19   Imam Ammar Ne Kaha Apne Hifz Say Hadees Bayan Karta Tha Aur Bahut Zyada Galti Karta Tha (Ilal Hadees Safa 107)

20   Imam Hussaini Ne Kaha Hifz Say Hadees Bayan Karta Aur Galti Karta (Raqam 5747)

21   Imam Ibn Kaseer Ne Kaha Sudook Tha Lekin Kasirul Khata Tha Aur Sufiyan Sawri Kay Sathiyo May Iska Bada Muqam Nahi Tha (Tafseer Ibn Kaseer Jild 3 Safa 385)

22   Imam Ibn Khuzyma Ne Sue Hifz Kaha (Sahih Raqam 1860)

23   Imam Zehbi Ne Al Mugni Fee Zuafa May Zikr Kiya (Raqam 6547)

24   Allama Turkmani Ne Kaha Maeel Ba Tazaef (Jawahirul Naki Jild 2 Safa 30)

 

Iski Bahut Zyada Tazaef Ki Gai Hai Hum Itne May Hi Tawkuf Karte Hai.

Note : Itne Aimma E Muhaddiseen Kay Nazdeek Momil Ka Zaef Hona Is Baat Ki Daleel Hai Ki Yeh Riwayat Sahih Toh Kya Hasan Darje Ko Bhi Nahi Pahuchti.

 

Hadees May Isterab

 

Is Hadees Me Isterab Hai Kyuki Hazrat Wayl Bin Hajar Radialla Taala Anhu Say Jitni Bhi Hadeesein Haath Bandhne Ki Marwi Hai Sab May Sirf Daye Haath Ko Baye Haath Per Bandhne Ki Riwayat Maujud Hai.

Sahih Muslim Kitab Us Salat Jild 1 Hadees 891

Sahih Ibn Hibban Safa 577 Hadees 1860

Sahih Ibn Khuzayma Kitab Us Salat Jild 1 Hadees 480

Musnad E Ahmed Jild 8 Hadees 19051, 19057, 19071, 19075, 19076, 19081, 19083.

Sunan Nisai Kitab Ul Iftetah Jild 1 Hadees 890

Sunan Ibn Majah Iqamat E Salat Wal Sunnah Jild 1 Hadees 810

Sunan Darqutni Kitab Us Salat Jild 2 Hadees 1086

Sunan Darmi Kitab Us Salat Jild 1 Hadees 1277

 

Siwaye Ibn Khuzayma Wali Riwayat Kay (Sahih Ibn Khuzayma Hadees 479) Jo Zaef Hai Aur Daleel Upar Guzar Chuki Aur Sunan Bayhaki Ki Riwayat Jo Zaef Hai Iski Daleel In Sha ALLAH Aagay Ayegi

Lihaza IS Hadees Say Gair Muqallid Ehtijaj Kaise Karsakte Hai Jabki Unka Dawah Toh Sirf Sahih Hadees Per Amal Karne Ka Hai ???

End Part 03

Part 04 Link 

https://786sho.blogspot.com/2024/05/seene-per-haath-bandhne-wali-hadeeso-ka_76.html