Mard aur Aurat ki Namaz me Fark

Aurat Ki Namaz Mardo Se In Arkan Me Juda Hai

 

Shariat E Islamiya K Ehkam Khudawandi K Mukhatib Mard Aur Aurat Dono Hai , Jis Tarah Arkan E Islam Mard Per Lagu Hote Hai Thik Usi Tarah Aurat Per Bhi Lagu Hote Hai , Lekin Islam Me Aurat K Parde Ka Khayal Har Maqam Per Rakha Gaya Hai Aur In Arkan Ki Adayegi Me Islam Ne Aisa Intezam Kiya Hai Ki Aurat Mukammal Perde Me Mehfuz Rehsake ,Islam Me Iman K Baad Sabse Badi Nemat Namaz Hai Aur Iski Adayegi Me Mard Wa Aurat Dono Ki Namaz Ka Tarika Alag Hai.

Ahadees E Mubarak Ki Taraf Ruju Karte Hai .

 

Aurat Namaz Shuru Kare Toh Seene Tak Haath Uthaye 

·         Hazrat Wayl Bin Hujr Radialla Taala Anhu Farmate Hai Ki Me Nabi Swallallahualaihiwasallam Ki Khidmat Me Hazir Hua Toh Aap Nabi Swallallahualaihiwasallam Ne Mujhe Farmaya Aye Wayl Bin Hujr Jab Tum Namaz Padho Toh Kano K Barabar Apne Haatho Ko Uthao Aur Aurat Apne Haatho Ko Chathi K Barabar Uthaye.

Muazzam Ul Kabir , Jild 22 , Safa 19 , Hadees 28

Muazzam Ul Zawaid Lil Haismi , Jild 2 , Hadees 2594

Jame Ul Hadees Lil Suyuti , Jild 23 , Hadees 26377

 

Aurat Ka Seene Per Haath Bandhna

·         Hazrat E Ata Rehmatullah Alayh Farmate Hai Ki Aurat Apne Qayaam Me Hatho Ko Jitna Upar Karsakti Hai Kare.

Musannaf Abdur Razzaq  , Jild 3 ,  Hadees 5067.

·         Aur Allama Abdul Hayi Lucknowi Hanfi Likhte Hai Ki Aurto K Liye Sabka Ittefaq Hai Unke Liye Sunnat Haatho Ko Seene Per Bandhna Hai.

Al Sa’aya , Jild 2 , Safa 156.

 

Aurto Ka Sajda Karne Tarika

·   Hazrat Yazeed Bin Abi Habib Rehmatullah Alayh Farmate Hai Ki Nabi Swallallahualaihiwasallam 2 Aurto K Karib Se Guzre Jo Namaz Adaa Karrahi Rahi Thi Toh Aap Nabi Swallallahualaihiwasallam Ne Farmaya Jab Tum Sajda Karo Toh Apne Jism Ka Kuch Hissa Zameen Se Mila Liya Karo Kyuki Aurat Ka Hukum Isme Mard Ki Tarah Nahi.

Mursal Abi Dawud , Safa 191 , Hadees 89

Sunan Al Kubra Lil Behki , Jild 2 , Hadees 3201

Jame Ul Hadees Lil Suyuti , Jild 3 , Hadees 2110

Talkhisul Habeer , Jild 1 , Safa 394

 

·  Hazrat Abdullah Bin Umar Radialla Taala Anhu Farmate Hai Ki Nabi Swallallahualaihiwasallam Ne Farmaya Ki Jab Aurat Namaz Me Baithe Toh Apni Ek Raan Ko Dusri Raan Per Rakhe Aur Jab Sajda Kare Toh Apna Pait Apni Raano Se Milaye Jo Ki Iske Liye Zyada Parde Ki Halat Hai Aur ALLAH Taala Uski Taraf Dekhta Hai Aur Fermata Hai Aye Malaika Gawah Hojao Mene Is Aurat Ko Baksh Diya.

Sunan Al Kubra Lil Behki , Jild 2 , Hadees 3199

Al Kamil Li Ibn Adi , Jild 2 ,Hadees 399

Jame Ul Hadees Lil Suyuti , Jild 3 , Hadees 1759

Kanzul Ummal Hadees 20199

 

· Hazrat Ali Radialla Taala Anhu Farmate Hai Ki Aurat Jab Sajda Toh Apni Raano Ko (Pait Se) Milaye

Musannaf Abdur Razzaq , Jild 3 , Hadees 5072

Sunan Al Kubra Lil Behki , Jild 2 , Hadees 3197

Musannaf Ibn Abi Shayba , Jild 1 , Hadees 2793

 

·Hazrat Ibrahim Nakhai Rehmatullah Alayh Farmate Hai Ki Aurat Jab Sajda Karegi Toh Apni Rano Ko Pait Se Milayegi Aur Apni Sureen Ko Upar Nahi Uthayegi Aur Naahi Sajde Me Mardo Ki Tarah Apne Haatho Ko Khinch Kar Ucha Karegi.

Musannaf Ibn Abi Shayba , Jild 2 , Hadees 2798 

Aurat Ka Kayde Me Baithne Ka Tareeka

·         Hazrat Abu Saed Khudri Radialla Taala Anhu Farmate Hai Ki Nabi Swallallahualaihiwasallam Mardo Ko Hukum Farmate The K Sajdo Me Apni Rano Ko Apne Pait Se Juda Rakhe Aur Aurto Ko Hukum Dete Ki Simat Kar Sajda Kare Aur Mardo Ko Hukum Dete Ki Tashahud Me Baye Pair Bichakar Usper Baith Jaye Aur Daye Pav Ko Khada Rakhe Aur Aurto Ko Hukum Dete Ki Char Zanu Baithe.

Sunan Al Kubra Lil Behki , Jild 2 , Hadees 3198

 

·         Hazrat Nafe Rehmatullah Alayh Farmate Hai Ki Hazrat Abdullah Bin Umar Radialla Taala Anhu Se Kisi Ne Pucha K Daur E Nabuwat  Me Aurat Kistarah Namaz Padhti Thi Toh Apne Farmaya Pehle Wo Char Zaanu Hokar Baithti Thi Phir Unhe Simat Kar Baithne Ka Hukum Diya Gaya.

Musnad Abu Hanifa Lil Harisi , Safa 40 , Hadees 79

Jame Ul Musanid , Jild 1 ,  Safa 400

 

 

·         Hazrat Ibn Abbas Radialla Taala Anhu Se Aurto Ki Namaz K Mutalik Pucha Gaya Toh Apne Farmaya Khub Simat Kar Namaz Padhe.

Musannaf Ibn Abi Shayba , Jild 1 , Hadees 2794

·         Hazrat Nafe Rehmatullah Alayh Farmate Hai Ki Hazrat Safiya Radialla Taala Anha Jo Hazrat Ibn Umar Radialla Taala Anhu Ki Biwi Hai , Namaz Me Char Zaanu Hokar Baiththi Thi.

Musannaf Ibn Abhi Shayba , Jild 1 , Hadees 2800

·         Hazrat Ayesha Radialla Taala Anha Apni Sureen Per Baithti Thi Aur Apni Rano Ko Milati Thi Aur Baaz Awkat Char Zanu Baithti Thi.

Ibn Rajab Fee Fath Ul Bari , Jild 5 , Safa 152-153.

 

Namaz Me Aurto Ko Sir Per Dupatta Lapetna Zaruri Hai

·         Hazrat Ayesha Radialla Taala Anha Farmati Hai Ki Nabi Swallallahualaihiwasallam Ne Farmaya Baligh Aurat Ki Namaz Bina Dupatta K Kabul Nahi Hoti .

Sunan Abi Dawud , Kitab Us Salat , Jild 1 , Hadees 638

Sunan Tirmizi , Kitab Us Salat , Jild 1 , Hadees 358

 

Aurto Ko Ghar Me Namaz Padhne Me Zyada Sawab Hai

·         Hazrat Abdullah Ibn Masud Radialla Taala Anhu Riwayat Karte Hai Ki Huzur Nabi Swallallahualaihiwasallam Ne Farmaya ALLAH K Nazdeek Aurat Ki Sabse Pasandida Namaz Wo Hai Jisey Wo Andheri Kohtri Me Adaa Karti Hai.

Sahih Ibn Khuzeyma , Jild 3 , Hadees 1691

·         Ummul Momineen Hazrat Umme Salama Radialla Taala Anha  Riwayat Karti Hai Ki Huzur Nabi Swallallahualaihiwasallam Ne Farmaya Aurat K Namaz Padhne K Liye Sabse Behtareen Jagah Unke Gharo K Tehkhane Hai.

Musnad Ahmed , Jild 12 , Hadees 27077

Sahih Ibn Khuzeyma , Jild 3 , Hadees 1683

Mustadaral Al Hakim , Jild 1 , Hadees 759

 

·         Hazrat Umme Humayd Radialla Taala Anha Riwayat Karti Hai Ki Mene Huzur Nabi Swallallahualaihiwasallam Ki Bargah Me Hazir Hokar Arz Kiya Ya Rasul ALLAH Me Apke Saath Namaz Padhna Pasand Karti Hu, Toh Apne Farmaya Me Janta Hu Ki Tum Mere Saath Namaz Padhna Pasand Karti Ho Lekin Tumhara Ghar K Andruni Kamre Me Namaz Padhna Bahar K Kamre Me Namaz Padhne Se Behter Hai Aur Bahar K Kamre Me Namaz Padhna Sahan Me Namaz Padhne Se Behter Hai Aur Sahan Me Namaz Padhna Apne Mohalle Ki Masjid Me Namaz Padhne Se Behter Hai Aur Tumhara Apne Mohalle Ki Masjid Me Namaz Padhna Meri Masjid Me Namaz Padhne Se Behter Hai , Rawi Kehte Hai Ki Phir Umme Humayd Ne Apne Ghar K Ek Kone Me Masjid Banane Ka Hukum Diya Aur Jab Tak Zinda Rahi Usi Kone Me Namaz Padhti Rahi.

Musnad Ahmed , Jild 12 , Hadees 27630

Sahih Ibn Khuzeyma , Jild 3 , Hadees 1689

Sahih Ibn Hibban , Hadees 2214

 

Meri Islami Behno Se Guzarish Hai Ki Apni Namaz Ko Hukum Rasul ALLAH Swallallahualaihiwasallam K Mutabik Durust Karne Ki Koshish Kare

Wallah Hu Alam Bil Sawab