Yazeed Jung E Qastuntunya K Pehle Lashkar Me Shamil Naa Tha

Yazeed Jung E Qastuntunya K Pehle Lashkar Me Shamil Naa Tha. Truth of Battle of Constaninople

The Conquest of Constantinople

Kya Yazeed Jung E Kastuntunya Me Shamil Tha ?
Is hadees pe guftgu kare uske Pehle thoda Kastuntunya k baare me Bata dein Urdu Arbi me Is makam ko KASTUNTUNYA kaha jaha Jaata hai Aur English Me Is makam ko Constantinople kaha jaata tha jo Turkey ka Shaher hai Jiska Naam Ab ISTANBUL hai jo Turkey Ka Capital city Hai.
Aaj se 1450 Saal kabl us daur me Aalam E Isayiat Christiano k Roman Byzantine Emperor ki hukumat Badi Wasi thi jisme Hams Jisko ab Homes kahte Hai Greece, Egypt,Turkey,Macedonia,Libya,Palestine,Jordan, Kuch Arab k Shaher bhi inke kabze me the hatta kayi Shahero Me Inke Markaj Kayam The. Ek Hadees E Paak Hai Bukhari Sharif ki Jis Hadees Bila Wajah Kastuntunya Se Milane Ki Koshish Mukhalifeen karte hai aur Us Hadees ko Pesh Karke Aaj Kuch Naasbi Yazeedi log Apne Abba Yazeed ko Jannat Ki Basharat Sunate Phirte Hai Aur Hadees E Paak k galat maane bayan kar bahot Se Laa Ilm Nauzawano ko Gumraah Kiya Jaa Raha Hai Lihaja Sabse jaruri Hai k wo Hadees ka Tehkeeki Khulasa Hum yaha karde.
Ye Dalil Ibn Yazeed Yaani Yazeed k Manvi Aulad E Wahabiya Naam Nihad Ahle Yazeed k ghar ki Aakhri Missile Hai jo Ab Hum Yaha Aisi Phuski karnge k Kayamat Tak k Nazdiyat Hind Se Leke Nazd tak k mulla iska Jawab nahi laa sakte. In Sha ALLAH Taala

Ab Wo hadees ye hai hum yaha Arabic Sanad, Matan dono likh rahe hai.
Hadees :

حَدَّثَنِي إِسْحَاقُ بْنُ يَزِيدَ الدِّمَشْقِيُّ، حَدَّثَنَا يَحْيَى بْنُ حَمْزَةَ، قَالَ حَدَّثَنِي ثَوْرُ بْنُ يَزِيدَ، عَنْ خَالِدِ بْنِ مَعْدَانَ، أَنَّ عُمَيْرَ بْنَ الأَسْوَدِ الْعَنْسِيَّ، حَدَّثَهُ أَنَّهُ، أَتَى عُبَادَةَ بْنَ الصَّامِتِ وَهْوَ نَازِلٌ فِي سَاحِلِ حِمْصَ، وَهْوَ فِي بِنَاءٍ لَهُ وَمَعَهُ أُمُّ حَرَامٍ، قَالَ عُمَيْرٌ فَحَدَّثَتْنَا أُمُّ حَرَامٍ أَنَّهَا سَمِعَتِ النَّبِيَّ صلى الله عليه وسلم يَقُولُ ‏"‏ أَوَّلُ جَيْشٍ مِنْ أُمَّتِي يَغْزُونَ الْبَحْرَ قَدْ أَوْجَبُوا ‏"‏‏.‏ قَالَتْ أُمُّ حَرَامٍ قُلْتُ يَا رَسُولَ اللَّهِ أَنَا فِيهِمْ‏.‏ قَالَ ‏"‏ أَنْتِ فِيهِمْ ‏"‏‏.‏ ثُمَّ قَالَ النَّبِيُّ صلى الله عليه وسلم ‏"‏ أَوَّلُ جَيْشٍ مِنْ أُمَّتِي يَغْزُونَ مَدِينَةَ قَيْصَرَ مَغْفُورٌ لَهُمْ ‏"‏‏.‏ فَقُلْتُ أَنَا فِيهِمْ يَا رَسُولَ اللَّهِ‏.‏ قَالَ ‏"‏ لاَ

Hadees Ki Sanad (Chain of narration) -> Ishak Bin Yazeed Damishqi → Yahya bin Hamza → Saoor bin Yazeed → Khalid bin Madan → Umair Ibn Al Aswad Translation  : Umair Bin Aswad Ansi Ne Bayan Kiya K Wo Hazrat Ubada bin Saamit Radi Allah Anho Ki Khidmat Me Hazir Huwe. Hazrat Ubada bin Saamit Radi Allah Anho Ka Qayam سَاحِلِ حِمْصَ Sahil Hams Per Apne He Ek Makan Per Tha  Aur Aap Ke Sath(Aap Ki Biwi) Ummay Haraam bint E Milhaan Radi Allah Anha Bhi Thi. Umair bin Aswad Ne Bayan Kiya Ke Humse Ummay Haraam bint E Milaah Radi Allah Anha Ne Bayan Kiya Ke Mein Ne Nabi Kareem صلى الله عليه وسلم Se Suna Hai, Aap صلى الله عليه وسلم Ne Farmaya Tha Ke: "Meri Ummat Ka Sab Se Pehla Lashkar Jo Daryai Safar Ker Ke Jihaad Ke Liye Jaeyga, Us Ne (Apne Liye Allah Ki Rahmat O Maghfirat) Wajib Ker Li. Ummay Haraam bint E  Milhaan Radi Allah Anha Ne Bayan Kiya Ke Mein Ne Kaha Tha Ya صلى الله عليه وسلم Kiya Mein Bhi Un Ke Sath Hoongi? Aap صلى الله عليه وسلم Ne Farmaya Ke Haan Tum Bhi Un Ke Sath Hogi. Phir Nabi E Kareem صلى الله عليه وسلمNe Farmaya "Sab Se Pehla Lashkar Meri Ummat Ka Jo Qaisar Ke Sheher Per Hamla Karega Unki Maghfirat Hogi. Mein Ne Kaha Mein Bhi Un Ke Sath Hoongi Ya صلى الله عليه وسلم Aap  صلى الله عليه وسلم Ne Farmaya Ke Nahi. Reference: (Sahi Bukhari Vol :04, Pg :113, Kitabuz Jihad, Baab : Maa Kil Fi Kital Ar Room, Hadees : 2924 “English No : Vol. 4, Book 52, Hadith 175” ) Is Hadees Par Kuch Arz :

Is Hadees e Paak ko Base Banake 1400 Saalo ki Islami Tarikh Me Sabse Pahla Shaks Jisne Is Hadees Se Ye Masla Akhaz Kiya aur Ye Na Haq Tehkeek kar Sabit Karne Ki Koshish ki k Is Hadees ki Bunyaad par Yazeed ibn Mauviya Jannati Hai uske liye Jannat ki Basharat Hai aur wo Aalim Koi Aur nahi tha balki Allama Ibn Taimya tha ibn Taimya Hi wo shaks hai jisne Aksar Aqaid me is tarah ki naa haq tehkeek kar Aalam E Islam Me Biddat Izaad ki aur Ummat ko gumraah kiya hai ab chunki inke bade Abba Roohani baap ibn Taimya Ne Ye tehkeek ki to puri wahabiat isko aankh band kar tasleem karti hai aur logo ko gumraah karti hai aur dawa hai hum takleed nahi karte par abba inke ibn taimya ki mukammal takleed karte hai.
Is Hadees k Sanad Aur Matan pe Hum Yaha Koi Guftgu Nahi Kar Rahe Warna Iski Isnaad me hi Zauf hai Aur Matan K Aitbaar Se bhi kayi Rivayat Hai is Talluk Se Jisme Magfirat Ka Zikr Bhi Hai Hi Nahi par hum un sab masle Me yaha Nhi likh rahe In Sha ALLAH Taala Is Hadees k talluk se ek Mukammal Risala Likhenge Jisme Sanad Matan Shara E hadees Tareekh har Cheez Ka Zikr aayga Magar Article Me itni cheez munasib nahi hai.

Jung E Kastuntunya or Battle of Constantinople Yazeed kya Pahle Lashkar Me Shamil Tha ? Baaj Sharain Aur Tareekh Daan Ne Bas itna Likha Ghazwa E Kastuntunya Ka Sipaah Salar Yazeed Tha Aur Unhone Ye Tafseel Naa Likhi K kis Hizri Me Wo Sipaah Salaar Tha Yaa To Unke Ilm Me Year San Na Hoga Jisko Kuch Nasbiyo Ne Apne Mafad k liye istemal kar ummat ko gumraah karte hai wo nahi dekhte k Kastuntunya pe Jaane waalo ko ladne waalo ko nahi Basharat Sirf Aur Sirf Pahle Laskhar ko hai ab inke Abba Yazeed 03, Ya 04 Laskhar me Ho aur Sipah Salar hi ho kya basharat k mustahik hogaye ? Hargiz nahi Jabki Basharat FIRST k liye hai naaki baad waalo k liye  Ab Dekhna Hai Yazeed Kis Lashkar Ka Sipaah Salar Tha. Hosakat hai Kuch Logo Ko Yazeed K Jaane Se Kuch azeeb lage k ye itna bhadbakt kaise Jihad Karne jaa pahucha ? Baat Dar asal ye thi wo Mujahideen is se pahle waha Jihad kar rhe the wo badi pareshani me the bimariya, khane peene ki killat bahot thi to Yazeed Apni mashuka ko bahome bhar Fahsi kalam gaa raha tha aur Un Sahaba Wa Tabain ka mazak udha raha tha.

Jab is besharm ki ye khabar Hazrat Ameer Mauviya Radi Allaho Anho Ko Pahuchi to is Naa Ahel ko waha Saza k taur pe unhone bheja tha jisko bheja gaya wo bhi baad me bataur e saza usko jannati hone ki basharat diye phir rahe ho nasbiyo.

Jabki Yazeed ne Khud Kabool Kiya K Wo PAHLE LASHKAR ME SHAMIL NAHI THA jiska saboot Mai Aage pesh kar dunga aur in nasbiyo k buth khane me Aakhri jarb laga dunga. In Sha ALLAH Taala. Khair Ab Qastuntunya Pe Jihad K Muttalik Yazeed K baare me 04 Rivayat Aati Hai wo Ye hai. 01) Allama  Badrudin Aini Rahmatullah Likhte Hai “Sahi Ye Hai Ki Yazeed ibn Mauviya 52 Hizri Ki Ghazwa E Qastuntunya Me Sharik Tha” (Umdatul Qari Shara E Sahi Bukhari Vol : 06, Pg : 694) 02)Isi tarah Ek Aur Makam Me Yazeed Ki shirkat Ko 50 Hizri Likha. 03) Allama Ibn Kathir jo Wahabiyo k Bharosemand Mukhakik Hai Likhte Hai “Yazeed ne 49 Hizri Me Qastuntunya Me Shirkat Ki” (Al Bidaya Wa Nihaya Vol : 08, Pg : 34) 04) Hafiz Ibn Hajar Asqalani Al Isabah Fi Marifat E Sahaaba Me Yazeed ka 55 Hizri Me Sharik Hona Likhte Hai. Ab In Rivayat Me 04 year k Number Mile 52, 50,49,55 Maan le Se Sabse Purana San le to Sabse Purana hai 49 Hizri pata Chala k 49 Hizri Me Yazeed ne Qastuntunya Ki Junge Me Shirkat Ki. Ab Dekhna Hoga k Kya 49 Hizri Se Pahle bhi Koi Jung Huwi Yaa Nahi ? Iska Jawab Tareekh Se de to shayad hamesha Ki tarah Wahabi Bhage k jhuti gadi rivayat kahde isliye ab SAHI HADEES pesh karte hai.

Proof 01 : Yazeed Jung E Qastuntunya K Pahle Lashkar Me Shamil Naa Tha.
Hadees 01 :
أَبِي عِمْرَانَ، قَالَ ‏:‏ غَزَوْنَا مِنَ الْمَدِينَةِ نُرِيدُ الْقُسْطَنْطِينِيَّةَ، وَعَلَى الْجَمَاعَةِ عَبْدُ الرَّحْمَنِ بْنُ خَالِدِ بْنِ الْوَلِيدِ وَالرُّومُ
“Aslam Abu Imran Farmate Hai Hum Madina E Munawwara Se Jihad Ka Irada Kar Qastuntunya Nikle Us Wakt Abdul Rehman ibn Khalid Ibn Walid Radi Allaho Anho Hamare Lashkar K Sipaah Salar The….  
Waha Hazrat Abu Ayyub Ansari Radi Allaho Anho Ne Hume Quran Ki Aayat ‏ وَأَنْفِقُوا فِي سَبِيلِ اللَّهِ وَلاَ تُلْقُوا بِأَيْدِيكُمْ إِلَى التَّهْلُكَةِ (Surah Baqrah Ayat 02) Ki Ayaat ka Maane Samjhaya….  
قَالَ أَبُو عِمْرَانَ ‏:‏ فَلَمْ يَزَلْ أَبُو أَيُّوبَ يُجَاهِدُ فِي سَبِيلِ اللَّهِ حَتَّى دُفِنَ بِالْقُسْطَنْطِينِيَّةِ
Aslam Abu Imran Farmate hai Hazrat Abu Ayyub Kastuntunya Me Jihad Karte Rahe Karte Rahe Hatta k Aap ka Intaqal Hogaya ”  
References :
(Sunan Abu Dawood Vol : 03, Pg :211, Kitabuz Jihad, Baab : Fi Qaul E Taala, Hadees : 2512, English No : 2506) Scan Page

Kamar aage Khud Inke Shaykh Ul Muhadis Albani Ne Todi Hai Farmaya YE HADEES SAHI HAI.  YE Sahi Hadees Yazeediyo k Gale Me Atak Gayi Hai Na Nigal Sakte hai Na Ugal Sakte hai.

Kuch Ahem Baat :
Explaination of This Hadees & Some Important Points :
1) Rome Kastuntunya Par Jihad K Sipaah Salar Hazrat Sayyidna Abdul Rahman Ibn Khalid bin Waleed Radi Allaho Anho The.
2) Us Lashkar Me Saath Me Sahabi E Rasool Hazrat Abu Ansari Radi Allaho bhi the aur waha wo jung karte rahe karte rahe aur phir koi lashkar me Intiqal Farma Gaye.
Ab Kabil E Gaur baat Ye Dekhna hai k Hazrat Abdul Rahman Ibn Khalid Bin Waleed ne Hamla Kiya Kab aur Kis Hizri Me Kiya ?

Dusra Hazrat Abu Ayyub Ansari Ka Wisaal Huwa Kab ? Aur Hadees Me Ye Bhi Hai k wo jihad karte rahe karte rahe hatta k intiqal farma gaye to pata chala k Jis Lashkar Me wo inteqal Farma gaye wo Pahla to nahi tha balki baad ka koi lashkar tha.
Hazrat Abdul Rahman ibn Khalid Bin Waleed Ka Biladar E Rome Kastuntunya par hamla
44 Hizri Mein Bilad E Rome Per Kis Ne Hamla Kiya?

“Is Saal Mein Abdur Rahman Bin Khalid Bin Walid Radi Allah Anho Ne Bilad E Rome Ke Sath Jung Ki Aur Musalman Bhi Aap Ke Sath The. Aur Unhoon Ne Mausam E Sarma Wohi Guzara. Aur Issi Mein Busar Bin Abi Artaat Ne Samunder Mein Jung Ki”

(Imam Ibn Kathir Al Badaya Wan Nahaya Vol : 08, Pg : 42)
\“44 Hizri Me Abdur Rahman Bin Waleed Ke Sath Musalman Bilaad E Rome Mein Dakhil Hoey Aur Sardiyoun Ka Mausam Wohi Guzara Aur Basar Bin Artaat Ne Darya Mein Jung Ki”

(Imam Tabri Tareekh Tabri Vol : 04, Pg : 62)

45 Hizri Me Hamle Ka Zikr.

Is Saal Ziyaad Ke Khurasani Naib Al.Hukam Bin Umroo Ne Ziyad Ke Hukam Se Jabal-al-asal Se Jung Ki Aur Un Mein Se Bahut Se Logoon Ko Qatal Kiya Aur Bahut Se Amwaal Maal E Ghanimat Mein Hasil Kiye.

(Imam Ibn Kathir Al Badaya Wan Nahaya Vol : 08, Pg : 45)
“Is Saal Abdur Rahman Bin Khalid Radi Allah Anho Rome Mein Sardiyaan Guzari”

(Imam Tabri Tareekh Tabri Vol : 04, Pg : 70)

To Pata Chala Hazrat Abdul Rahman ibn Khalid Bin Waleed Sipah Salar The Aur Unke Saath Khud Abu Ayyub Ansari radi Allaho anho The aur bakaul e wahabiya nasibi Yazeed to Sipaah Salaar tha, To Kaha Gayi Sipaah Salari Aur Konsi Jung Me Mili Sipaah Salari ?
Khair Tum iska jawab naa de sakoge hum dete hai aur Hadees E Sahi Se batate hai kab mili usko Sipah Salari taaki aur thoda khulasa hojaye.  
Proof 02 : Yazeed Jung E Qastuntunya K Pahle Lashkar Me Shamil Naa Tha.
Kaum E Wahabi Yazeed ki Sipaah Salari Ka Dawa Karti Hai Aur Kahti Hai K ‘Yazeed Was Leader And Chief of Army Thus He Was Granted Jannah According To Bukhari The Same Statemnet Quote by Every Nasibi Even Zakir Naik’.  
Ab Dekhna Hai K Yazeed Kab aur Kis Lashkar Ka Ameer Tha Uske Liye Bhi Sahi Hadees Bukhari Se pesh karta hoon Upar ki Hadees Se Aadha Bukhar To Utar Gaya Hoga Ab Is Hadees Se inke Buth khane me Kil thook Jaygi. In Sha Allah Taala   Hazrat Mahmud bin Ansari Radi Allaho Anho Se Ek Taweel Hadees Rivayat Hai wo ek hadees bayan kar rahe the uski hi baat karte karte unka ye farmana jo aage aayga aur bas Nasbiyat ka kila Toot gaya Aur ALLAH ka CRORO Ahsan hai k Imam Bukhari Ne bhi is Hadees ko likh diya Ye hum Us Hadees Ka Sabse Ahem Hissa Jo Is Unwaan Se Related Hai wo yaha Quote Kar Rahe Hain.
Hadees 02 :
‏"‏‏.‏ قَالَ مَحْمُودٌ فَحَدَّثْتُهَا قَوْمًا فِيهِمْ أَبُو أَيُّوبَ صَاحِبُ رَسُولِ اللَّهِ صلى الله عليه وسلم فِي غَزْوَتِهِ الَّتِي تُوُفِّيَ فِيهَا وَيَزِيدُ بْنُ مُعَاوِيَةَ عَلَيْهِمْ بِأَرْضِ الرُّومِ،
“Mahmud Ibn Arabi Ansari Radi Allaho Anho Se Rivayat Hai Farmate Hai Maine Ye Hadees Ek Aisi Jagah Bayan Ki Jaha Jinme Se Ek Sahabi E Rasool Hazrat Abu Ayyub Ansari Radi Allaho Anho Bhi The Ye Rome K Jihad Ka Zikr Hai Jisme Aapki Maut Waqayi Huwi Aur Fauz K Sipaah Salar Yazeed Bin Mauviya The” Reference : (Sahi Bukhari Vol:02, Pg :167, Kitab No.19, Salatal Tahajjud, Baab :Salatul Nawafil Jamaati, Hadees : 1186)
Explaination of This Hadees & Some Important Points:
01) Is Hadees me Pata Chala k Abu Ayub Ansari Radi Allaho Taala Anho us Laskhar Me Wisaal Huwe Jisme Yazeed Sipaah Salar Tha .
02) Dekhna Hoga k Hazrat Abu Ayyub Ansari Radi Allaho Anho Ka Wisaal Huwa Kab Kis Hizri Me ?
Seerat E Sahaba Se Leke Tamam Kutoob E Asma Ur Rizaal Padhle Jaha Jaha Zikr E Hazrat Abu Ayyub Ansari Radi Allaho Hai Saaf Saaf Mauzood hai Unka Wisaal 52 Hizri Aur Kuch Rivayato Me 54 Hizri Aaya hai Aur Qastuntunya Shaher Ki Deewar Par Unka Mazar E Aqdas Hai.
Hazrat Abu Ayyub Ansari Radi Allaho Anho Ka Sann E Wisaal
1) Allama Badruddin Aini Rahmtullah Alaih
“Jung E Qastuntya Me Deegar Sahaba E Kiram Bhi The Aur Wahi 52 Hizri Me Hazrat Abu Ayyub Ansari ka Inteqal Huwa”
(Umdatul Qari Shara E Sahi Bukhari Vol : 14, Pg :191)
2) Imam Qustalani Rahmatullah Alaih Likhte Hai
“Aur 52 Hizri Me Hazrat Abu Ayyub Ansari Radi Allaho Qastuntunya Me Inteqal Farmaye”
(Irshad us Saari Shara E Sahi Bukhari Vol :05, Pg : 146 Matbua Misr)
Pata Chala k Yazeed Us Laskhar Me Gaya Tha Jo 52 Hizri Ka Tha Aur Basaharat Pahle Lashkar K Liye Hai Agar Kam bhi karo bil Farz Man lo 50 Hizri Me Huwa Tab Bhi aapka Yazeed Pehle Lashkar Se Mehroom Hai kyuki Pehla wo Lashkar Gya Jisme Hazrat Abdul Rahman Bin Khalid Bin Waleed The Jinke Saath Abu Ayyub Ansari Radi Allaho Anho The.
Subahat :  Hosakta Hai Kuch logo ko Yaha Ek Subah ho k Yazeed Kaise Jung Ko Jaa Pahucha ? To Iska Jawab Niche bayan kar rahe Hai Aakhir Is Mustahik E Lanaat ko Jung karne Kyu Bheja Gaya.
Yazeed Pahle Lashkar Me Shamil Naa Tha Uski Jabaan Se Tasdiq :
Yazeed Ka Pehle Lashkar Me Jaane Se Inkaar Kar Diya
Allama Imamul Muar’ikhin Ibn Khaldum Is Hakikat ka bayan Farmaya
“Bilaad E Rome Me Pahla Lashkar Hazrat Sufyaan Bin Aauf ki Sarkardgi Me Rawana Kiya Gaya Yazid Ne Inkaar Tha”
(Mukaddama Ibn Khaldum ‘Arabi’ Vol : 03, Pg : 10)

Imam Ibn Aseer Likhte Hai
“Sann 50 Hizri Me Hazrat Mauviya Radi Allaho Anho Ne Ek Lashkar E Jarrar Biladar E Rome Ki Taraf Bheja Aur Us Par Hazrat Abu Sufyaan Bin Aouf Ko Ameer Banaya Aur Apne Bete Yazeed Ko Jaane ka Hukm Diya To Yazeed Bathe Raha Aur Jaane Se Hile Bahane Banana Shurur Kiya Phir Mauviya Usko Bhejne Se Ruk Gaye”
(Tareekh Ibn E Aseer Vol : 03, Pg : 458)

Saabit Huwa k 50 Hizri k Lashkar Me Bhi Yazeed Shamil Naa Tha uske Ameer Bhi Hazrat Abu Sufyan ibn Aouf The Jo Yazeed Se Pahle Jaa Pahuche Aur Agar Ye Bhi maante Ho to ye Basharat Bhi Abu Sufyan ibn Aouf Le Gaye Yazeed Ab Bhi Mehroom Raha. Jab Ye Lashkar Qastuntunya Pahucha To Uske Baad Badi pareshani Ka Saamna huwa  Bimari, Khane Peene Ki cheezo ki kami ne Mujahideen ko Sakht Azmaish Me Daala Phir Yazeed Un Sabka Mazak Udhate huwe Gande behuda Sher Padhta Hai Mulahiza kare. Yazeed Deegar Mujahideen Ka Mazak Udhata Raha

Yazeed Us Lashkar Ka Mazak udhate ye Sher padhta Hai aur Ye Bhi Ek Jabani Iqraar hai uska k wo pehle Lashkar Me na Tha Aur Naa hi Abu Sufyan ibn Aouf k Lashkar Me Tha balki wo to kahi aur tha aur kaha tha khud Yazeed ki Jabaan Se Sunle 01: “Us Jung Me Logo ko Bhook Pyas aur Sakht Bimari Ki Khabar yazeed Ko pahochi to Wo KHUSH HOKAR YE ASHAAR padh raha Tha
Mujhe Parwaah Nahi ki Un lashkaro Par Bukhar Aur Tangi Wa Takleef ki Balaye Makame Faraqduna Me Aa Padi, jabki Mai Dairr Marran Me Uooni Chadar Par Takiya Lagaye Aaram Se Lete Huwa Hoon Aur Mere pehlu me Umm Kulsoom Mauzood hai. Yazeed ka Jab ye Sher Padhna Aur Mazak Udhana Ameeri Mauviya Tak pahucha to unhone Kasam Khai k Ab Yazeed Ko Bhi Waha Bhejunga Taaki Usse Bhi Musibat Pahuche Jo Waha Lashkar waalo ko Pahuchi Hai”
(Imam Ibn Aseer Tareeekh Ibn Aseer Vol : 03, Pg : 458 Matbua Darul Kitab Berut)
Note : Umm Kulsoom Yazid ki Biwi Thi jo Abdullah ibn Aamir Ki Beti Thi.
Isi rivayat ko Allama Ibn Khaldum Ibn Khaldum Ne Apni tarikh Me, ibn Tagri Ne Unnuz Um Uz Zahira, Abdul Malik Al Makki ne Samtunuz'oom Al Awali Me Nakl Kiya hai.

Imam Ibn Asakir Al Tareekh E Damishq Me Mustanad Rivayat Nakl Karte Hai Chunache Likhe Hai

“Lashkar Ko Maut Aur Bhook Ki Shiddat Laahak Huwi To Ameer Mauviya ko Ye Bada Maamla Mehsoos Huwa Chunache Yazeed Ko Ittela Kar is Baat Ki Ittela Di To Us Wakt Wo Sharab Pee Raha Tha Aur Uske Pass Ek Laundi thi Aur Ye Ashaar gun Guna raha Tha,
Mujhe Parwaah Nahi ki Un lashkaro Par Bukhar Aur Tangi Wa Takleef ki Balaye Makame Faraqduna Me Aa Padi, jabki Mai Dairr Marran Me Uooni Chadar Par Takiya Lagaye Aaram Se Lete Huwa Hoon Aur Mere pehlu me Umm Kulsoom Mauzood hai.

(Tarikh E Damishq Vol : 65, Pg : 406)

Allama Badruddin Aini Rahmatullah Alaih Likhte Hai
“Sahi ye Hai ki Yazeed Bin Mauviya 52 Hizri k Ghazwa E Qastuntunya me Shamil Tha”
(Umdatul Qari Shara E Sahi Bukhari Vol : 06, Pg : 694)
Is Se Bhi Wajeh Saabit Hota Hai k Yazeed ibn Mauviya Jung E Qastuntunya k Pehle Lashkar Me Shamil Naa Tha jo itne behuda kalam padhe aur apni biwi k pehlu me bethe k Mujahideen ka mazak udhaye wo kaise pahle lashkar me shamil hogaya ?
Conclusion :
1)Yazeed Se Pehle Hazrat Abdul Rehman Ibn Khalid ibn Waleed Radi Allaho Anho ki Kayadat Me Lashkar Gaya jo Sann 44 Hizri Me Gaya Unke Saath Sahabi Hazrat Abu Ayyub Ansari Radi Allaho The Wo Waha Jihad karte rahe karte rahe aur waha hi inteqal farma gaye.
2)Sann 49 Hizri Me Sufyan Ibn Aouf ki kayadat Me Ek Lashkar Ameer Mauviya Ne Bheja Usme Bhi Yazeed Naa Gaya balki Sabka Mazak udhata raha.
3) Yazeed Ibn Mauviya Ko Baad Me Bataur E Saza Hazrat Ameer Mauviya Ne Ek Lashkar Me Bheja Aur Us Lashkar Me hi Jiski Kayadat Isne Ki thi waha Abu Ayyub Ansari Radi Allaho Anho Ka Inteqal Huwa jo 52 Hizri Ka Tha.

4) Hadees Me Fazilat Aur Basharat Pahle Lashkar k liye hai ab Yazeed dusre me jaaye yaa baad me koi bhi lashkar me jaaye mehroom hi rahega.

Aur Phir Hadees ki basharat Me Jo Magfirat Ka Lafz hai agar Uspe hi Likhna shuru karde to yaha bhi Yazeed Aapke Roohani Abba Fail Hojaynge. Dua Ki Gujarish by Sher Ali Hanfi