Deoband Aur Qabr Pujari

Deoband Aur Qabr Pujari

Tamam Taareef ALLAH Taala K Liye

Assalamwalekum Tamam Saama’een

Aaj Fir Ek Naye Mauzu K Saath Me Hazir Hu , Mera Naam Sheyckh Mohammad Imran Saifi Hai Aur Ajka Mauzu Hai ,Deoband Aur Qabr Ka Pujari.
Aap Logo Ne Toh Barhaa Suna Hai K Deoband Hum Sunni Yaani Ahle Sunnat Wal Jamat Ko Qabr Pujari Kehte Nahi Thakte.

Aur Thake B Q, Q K Inke Paaskoi Mauzu Hi Nai Jo Humare Khilaf Istemal Me Laaye , Isliye Yeh Chand Logo Ki Jahalat Ko Ahle Sunnat Per Chaspa Karte Hai Aur Qabr Pujari Ka Ilzam Dete Hai.
Aap Logo Ki Nazr Ya Deoband Ki Nazr Me Qabr Ka Pujari Kaun Hai ?

Kya Mazar Per Jaane Se Hum Qabr Pujari Hai  ? Ya Apni Hajat Ko Pesh Karne Se Qabr Pujari Hai ? Ya Madad Talab Karne Per Qabr K Pujari Hai ? Ya Qabr Per Fatiha Khwani Karne Se Qabr Pujari Hai? Ya Qabr Per Jakar Aulad Mangne Se Qabr Pujari Hai ??
Me Yaqeenan Kehta Hu K Deobandi Isi Wajah Se Hume Qabr Ka Pujari Kehte Hai Aur Mushrik Wagaira Ki Fatwa Machine Chalate Hai.

Ab Aaye Meapko Mauzu Ki Taraf Le Chalu , Deoband Aur Qabr Ka Pujari.
Qabl Iske Me Apko Deoband K Fatwe Dikhata Hu .

Darul Ifta Deoband Ka Fatwa Hai K , Qabr Se Madad Mangna Haram Hai. Scan Page

Isi Tarah Taqwiyatul Iman me hai Gairullah ko Pukarna Shirk , Mangna Shirk hai

Aur B Kahi Aisey Fatwe Maujud Hai Ahle Sunnat Wal Jamat K Khilaf.

Yeh Thay Fatwe Deobandk Ghar Se

Ab Aaye Dusra Rukh Dekhte Hai Deoband Ki Hawalo Se ,

Kitab Ka Naam , Imdad Ul Mushtak ,Tasnif Wa Talif Hakim Ul Ummat Ashraf Ali Thanvi Aur Iska Safa No. 94 Per Likha Hai

“”Hazrat Ne Yani Ashraf Ali Thanvi Ne Tashfi Di Aur Farmaya K Faqir Marta Nai Hai , Sirf Ek Maqan Se Dusre Makan Me Inteqal Karta Hai , Faqir Ki Qabr Se Wahi Fayda Hasil Hoga Jo Zindagi Zahiri Me Meri Zaat Se Hota Tha ,Farmaya Hazrat Sahab Ne K Mene Hazrat Ki Qabr Muqaddas Se Wahi Fayda Uthaya ,Jo Halat E Hayat Me Uthaya Tha.””

Ab Gaur Kare Toh Hayat Me Jo Faqir Ya Wali Se Fayda Hasil Hota Hai , Wahi Fayda Baad Wafat B , Agarche Aap Hayat Me Kisi Wali Se Kahe K Aulad Nai Hoti Aur Wo Koi Taaweez Dede Toh Baad Wafat B Wali Se Manglo , Same To Same Wahi Fayda Hasil Hoga Aur Yeh Aqeeda Khud Ashraf Ali Thanvi Ka Hai.

Ab Isi Kitab Ka Imdad Ul Mushtak Ka Safa 98 Dekhe

Likhte Hai : Aapne Farmaya K Mere Hazrat Ka Ek Mureed Tha , Baad Inteqal Hazrat K Mazar Shareef Per Arz Kiya K Hazrat Me Bahut Pareshan Aur Rotiyo Ka Mohtaj Hu Kuch Dastagiri Farmaye , Hokum Hua K Tumko Humare Mazar Se 2 Aane Ya Aadha Aana Roz Mila Karega , Ek Martaba Me Ziyarat Mazar Ko Gaya Wah Shaks B Hazir Tha Isne Qul Kefiyat Bayan Karke Kaha K Mujhe Har Roz Rupaye Qabr Se Mila Karta Hai “”

Toh Is Ibarat Se Saaf Pata Chala K Deoband Agar Chahe Toh Inhe Qabr Se Hajat Talab Karne Per Madad Milti Hai Lekin Yahi Kaam Ahle Sunnat Wal Jamat Ka Koi Shaks Agar Hajat Pesh Karde Toh Wo Shirk Kardeta Hai , Haram Kardeta Hai.

Isi Tarah Deobandiyo Ne Tazkiratur Rasheed Me Rasheed Ahmed Gangohi Ko Gausul Azam Likha Hai Yani Faryad Ko Sunne Wala.

Yaani Rasheed Ahmed Marne K Baad B Faryad Sunta Hai.

Yeh Kare Toh Thik Hai Baaki Dusre Kare Toh Shirk O Haram

Kya Apko Pata Hai Ashraf Ali Thanvi Ki Paidaish Kaise Hui ?

Ashraf Ali Thanvi K Walid Abdul Haq Sahab Ki Aulad Narina Zinda Nai Rehti Thi ,Aapki Saans Sahaba Ne Hasrat Bhare Lehza May Iska Zikr Kara Ek Mashur Sahab Paani Pati Rehmutullah Alaih Se Kiya , Peshan Goi : Jasper Hafiz Sahab Ne Farmaya , In Sha ALLAH Is K 2 Ladke Hoge Aur Zinda Rahege , Ek Ka Naam Ashraf Ali Rakhna Aur Dusre Ka Naam Akbar Ali Chunanche Hafiz Sahab Ki Peshan Goi K Mutabiq Thana Bhavan  , Zila Muzafar Nagr , Hindustan , Maulana Ashraf Ali Sahab Thanvi Ki Paidaish Hui ,

Yeh Dekhiye , Khud Ashraf Ali Thanvi Ek Buzurg Ki Peshan Goi Se Aaye Hai, Yaani Ashraf Ali Thanvi K Walid Ne Shirk Kardiya Jakar Aulad Maangli , Ab Buzurg Hayat Hai Toh Yeh Fayda Hasil K Aulad Hogai Wo B 2 Toh Baqaul Ashraf Ali Thanvi K Baad Wafat B Yehi Fayda Hasil Hoga , Toh Bataye K Ahle Sunnat Wale Qabr Pujari Kis Buniyad Per Hue ??? Jab K Khud Deoband Ne Yehi Aqeeda Gad Rakha Hai.

Sawaneh Qasimi , Jild 1 , Safa 332 (Green Se Highlight Kiya Hai)

Likhte Hai : Buzurgon Ki Arwah Sey Madad Lenay Kay Hum Munkir Nahee Hain ! 

Ab Issey Zyada Sabut Diya Jaaye K Deoband Khud Apne Fatwe Se Shirk Me Hai Ya Yun Kahe K Qabr Pujari Hai

Aur Agar Deoband Yeh Kahe K Hum Qabr Per Jakar Fatiha Dete Hai , Is Buniyad Per Qabr Pujari Hai Toh Daleel  Mulahiza Kare

Kitab Hakim Ul Ummat Ki Malfooz Hai , Safa No. 197 Hai , Jasper Likhte Hai “Mazar E Rashid Per B Faitha Khwani Hoti Chali”

Ab Toh Yeh Aitraz B Khatam Hojata Hai K Fatiha Dene Se Qabr K Pujari Deoband B Hote Hai.

Mumkin Hai K Ab Deoband Kahe Sunni Qabr Pujari Isliye Hai K Mazaro Per Urs Karte Hai Toh Iska B Jawab Khud Deoband Se Deta Hu

Kitab Ashraf Us Sawaneh Safa 64 Per Likhte Hai

Abdul Quddus Gangohi Rehmatullah Alaih K Urs Ka Tha Toh Waha B Logo Ne Be Asr Waaz Kehlwaya Jisme Bade Bade Peer Zaade Bhi Sharik Thay .

Isi Kitab K Safa 162 Per Hai K Hazrat E Wala Khwaja Moinuddin Chisti Rehmatullah Alaih Ki Mazar Per Hazri Di Aur Mujawar Se Kehkar Fatiha Ki

Toh Goya Malum Hogaya K Deoband B Urs Manaya Karte The Aur Is Buniyad Per Khud B Qabr Pujari Bann Baithe.

Ab B Koi Wajah Bachi Ho Toh Deoband Ko Khula Challenge Hai K Inke Alawa Koi Aitraz Pesh Kare Jissey Puri Qaum Qabr Pujari Sabit Ho Aur Me In Sha ALLAH Taala Uska Jawab Deoband Ki Apni Kitab Se Duga.

Wama Alayna Illal Balag.

-Shaikh Mohammad Imran Saifi